هو: انا حطلب بيتزا .. اجيبلك حاجه؟
هي: لا.
هو: اوكي.
هي: و لا اقولك .؟
هو: ها .. عايزه اطلب لك كمان؟
هي: مش عارفة.!!
هو: مش عارفة لو عايزه حاجه ولا لا ؟
هي: لا.
هو:طب إنتي جعانة ؟
هي: يعني ..
هو: مش فاهم يعنى ايه يعني...؟
هي: يعني معناها مش متأكدة اذا كنت جعانة او لا.؟
هو: الواحد لما يكون جعان بيعرف
هي: مهو يمكن اجوع بعدين
هو: معناها اطلب لك بيتزا.
هي: طيب و لو مكنتش جعانه واقتها..؟
هو: ما تاكليهاش
هي: بس كده حيكون تبذير
هو: طيب .. بتاكليها بكرة.
هي: و لو مكنش ليا نفس آكل بيتزا بكرة؟
هو: هى دى كمان عايزه نفس .. الواحد بيقدر ياكل البيتزا كل يوم(معروف عن الرجاله انهم مفاجيع طبعا)
هي: انا لا .. مبكلش بيتزا الا لما يكون عندي نفس للبيتزا.
هو: معناها بطلب لك حاجه تانيه
هي: بس انا مش عايزه حاجه تانيه
هو: يعني عايزه بيتزا؟.
هي: لا.
هو: يعني مش عايزه حاجه؟.
هي: لا عايزه.
هو: جننتينى يعنى عايزه ايه؟
هي:
خلاص اطلب انت لنفسك..
هو: اخيرا .. ماشي..
هي: بس اطلب بيتزا بالتونا ..!
هو: بس انا مبحبش التونا.
هي: بس انا بحبها.
هو: هو انا حطلب ليكى يا ستى ولا ليا...؟
هي: ليك طبعا.
هو: طيب ليه بالتونا...؟
هي: يمكن اجوع لما يوصل الاكل
هو: يعنى ايه؟
هي: منا بحب البيتزا بالتونا ولا حاكل حاجه مبحبهاش يعنى؟
هو: ليه هو انتي عايزه تاكلي؟
هي: ليه لا ؟
هو: يا مثبت العقل و الدين .. هو انا طالب اكل لنفسى علشان تكليه انتى لو كنتى جعانه..؟
هي: بالضبط ..
هو: طب وانا حاكل ايه ؟
هي: مهو يمكن مكنش جعانه...
موضوع: رد: حوار هادى جدا 
السبت 25 يوليو 2009, 00:10
